ЧАШНИКСКАЯ РЦБС

У Год малой радзімы ў рамках мэтавай праграмы “Мой родны кут” у Чырвонараніцкай сельскай бібліятэцы адбыўся прагляд відэапрэзентацыі “Вяртанне да вытокаў. Васіль Цяпінскі”.
Беларуская зямля здаўна славілася імёнамі сваіх таленавітых сыноў і дачок. Сярод мноства слаўных імёнаў, якія пакінулі свой незабыўны след у гісторыі нашай краіны, ёсць людзі, якіх называць «асветнікі». Васіль Цяпінскі – адзін з асветнікаў, імя якога добра вядома свету.
Удзельнікаў мерапрыемства пазнаёмілі з гістарычнымі фактамі з жыцця вядомага земляка - беларускага асветніка. Таксама бібліятэкары расказалі прысутным аб планаваных святочных мерапрыемствах, прысвечаных 480–годдзю Васіля Цяпінскага. Да мерапрыемства была аформлена выстава “Васіль Цяпінскі – наш зямляк, наш гонар”. 
Правядзенне падобнага мерапрыемства мае вялікае культурнае значэнне. Вывучаючы духоўную спадчыну, мы не толькі аддаём даніну мінуламу, але і вызначаем нашу будучыню.