ЧАШНИКСКАЯ РЦБС

У дзіцячай бібліятэцы г.Чашнікі адбылося чарговае пасяджаннне клуба “Чамучкі”. Падчас забаўляльна-пазнавальнай праграмы “Стравы беларускай кухні” удзельнікі не толькі пазнаёміліся з народнымі традыцыямі, нацыянальнымі блюдамі, але і даведаліся пра гісторыю іх з'яўлення, рэцэптуру. Кіраўнік клуба, Ларыса Генадзіеўна Шаламанава, умела захапіла дзяцей павучальнай казкай X. К. Андэрсана “Дзяўчынка, якая наступіла на хлеб”. Дадзены твор не пакінуў абыякавым нікога. Даведацца пра любімыя стравы беларускай кухні можна было, удзельнічаючы ў конкурсах, сцэнках, гульнях. Падчас мерапрыемства дзеці чыталі  вершы, прыказкі і прымаўкі аб беларускіх стравах.
Заяўленая тэма мерапрыемства раскрывалася і праз адпаведнае афармленне. Стол у чытальнай зале быў аформлены ў нацыянальным стылі і застаўлены стравамі беларускай кухні, якія прыгатавалі дзеці разам з бацькамі. У асноўным яны былі з бульбы: дранікі, бульбяны пірог, піражкі з бульбай, бульба смажаная і інш. Не забыліся і аб беларускім сале, салёных агурках... А ў завяршэнні свята ўдзельнікаў мерапрыемства  чакаў самы цікавы момант - дэгустацыя страў беларускай кухні. Свята беларускай кухні атрымалася насычаным, цікавым, даказаўшы, што наша беларуская кухня - самая багатая, смачная і разнастайная.