ЧАШНИКСКАЯ РЦБС

Да Дня памяці юнага героя-антыфашыста ў Альшанскай сельскай бібліятэцы адбылася патрыятычная гадзіна “Маленькія дзеці вялікай вайны”. Гадзіна расказала пра юных герояў вайны, якія нараўні з дарослымі ваявалі з фашыстскімі захопнікамі. Вядучыя з гонарам успомнілі піянераў Герояў Савецкага Саюза, пазнаёмілі з самым маленькім героем палка Сярожам Аляшковым і з наймалодшым лётчыкам Другой сусветнай вайны Аркадзем Каманіным. Зацікавілі прысутных аповяды пра гераічныя ўчынкі юных змагароў Чашнічыны: Тамары Унуковіч, Аліка Церашкова, Валі Махровай, Віці Савіцкага, Васіля Зімніцкага. Гадзіна заклікала ніколі не забываць маленькіх герояў вялікай вайны, якія абаранялі свабоду і незалежнасць сваёй Радзімы.