ЧАШНИКСКАЯ РЦБС

Да Сусветнага дня здароўя Альшанская сельская бібліятэка аформіла выставу-дэманстрацыю “Кніга на службе здароўя”. Бібліятэкар правяла  вечар пытанняў і адказаў  “Кнігапытанні 03. Скорая інфармацыйная дапамога”. Яна загаддзя сабрала ў сваіх чытачоў пытанні па зберажэнню здароўя, якія іх хвалюць. Гэтыя пытанні былі пераадрасаваны загадчыцы ФАПа Т.А.Куранцовай. Да дня правядзення мерапрыемства Таццяна Анатольеўна падрыхтавала вычарпальныя адказы. Большасць пытанняў паступіла ад людзей сталага ўзросту. Іх хвалявала разнастастайныя пытанні: як умацаваць імунітэт вясною, як сілкавацца, калі выдалены жоўцевы пузыр, лячэнне трамбозу пасля Covid-19 і іншае. Былі пытанні і ад маладых матуль, якія датычыліся дзіцячых хвароб. Напрыканцы прыйшлі да высновы, што жыццё дано нам  каб жыць, а здароўе – найпершае багацце ў жыцці і яго трэба берагчы.