ЧАШНИКСКАЯ РЦБС

8 лютага 2020 года ў Дварэцкай бібліятэцы-клубе адбылася краязнаўчая гадзіна ведаў пад назвай “Аб малай радзіме з любоўю”, прымеркаваная да Году малой радзімы. На мерапрыемства былі запрошаны жыхары вёскі Дварэц.
Бібліятэкар Алена Анатольеўна Кір’янава расказала аб тым, што такое малая радзіма, пазнаёміла з літаратурай, прадстаўленай на выставе “Бусліны край, мой вырай і прыстанак”.
Наведвальнікі бібліятэкі даведаліся пра гісторыю свайго края з часу заснавання і да нашых дзён, пра жыццё вёскі ў ваенныя гады, пра простых жыхароў. Шмат добрых і цёплых слоў прагучала ў адрас працаўнікоў сельскай гаспадаркі аграгарадка, якія са дня ў дзень сваёй штодзённай працай упрыгожваюць край.
Асобная месца ў мерапрыемстве заняў аповед пра ўражэнку в.Дварэц Лукіну Зінаіду Леанідаўну, якая у час чарговага наведвання малой радзімы напісала верш пра родную вёску “Край наш Дварэцкі”.