Категории
"У ДУМКАХ, У СЭРЦЫ, У ПЕСНЯХ"
Літаратурна-асветніцкі праект
“У думках, у сэрцы, у песнях” (да 140-годдзя з дня нараджэння Я.Купалы і Я.Коласа) 2022 год у Беларусі пройдзе пад знакам 140-гадовага юбілею вялікіх песняроў беларускага народа, класікаў нацыянальнай літаратуры Янкі Купалы і Якуба Коласа. Якуб Колас і Янка Купала – выразнікі нацыянальнай самасвядомасці, народных пачуццяў. У сваіх творах яны раскрылі нацыянальны характар, асаблівасці духоўнага складу і жыцця беларусаў, выявілі незвычайную сілу і творчую магутнасць беларускага слова. Гістарычная заслуга Янкі Купалы і Якуба Коласа заключаецца перш за ўсё ў тым, што яны стварылі сапраўдныя шэдэўры нацыянальнага мастацтва і тым самым узнялі беларускую літаратуру да ўзроўню перадавых літаратур свету. У ДУК “Чашніцкая раённая цэнтралізаваная бібліятэчная сістэма” святкаванню 140-годдзя паэтаў нададзена асаблівая ўвага. Мерапрыемствы, прысвечаныя юбілею песняроў, будуць праводзіцца на працягу года ва ўсіх бібліятэчных установах раёна. Асабліва насычанымі месяцамі стануць ліпень, калі нарадзіўся Купала, і лістапад – месяц нараджэння Коласа. Мэты праекта - прыцягненне ўвагі жыхароў Чашніцкага раёна да творчасці класікаў беларускай літаратуры - Я. Купалы і Я. Коласа, захаванне культурнай гістарычнай памяці. Задачы праекта: 1. Стымуляванне цікавасці да творчай спадчыны класікаў беларускай літаратуры - Я. Купалы і Я. Коласа, уцягванне ў працэс чытання чытачоў розных узроставых катэгорый; 2. Папулярызацыя беларускай класічнай літаратуры; 3. Стымуляванне літаратурнай і творчай актыўнасці, фарміраванне культуры чытання; 4. Выхаванне пачуцця патрыятызму і актыўнай грамадзянскай пазіцыі на прыкладзе твораў майстроў беларускага слова; Разгортванне праекта прадугледжвае наступныя этапы: Першы этап: арганізацыйны Тэрмін правядзення: студзень-чэрвень 2022 года 1. Фарміраванне рабочай групы праекта, вызначэнне удзельнікаў праекта. 2. Складанне адзінага плана мерапрыемстваў, прысвечаных Я.Купалу і Я.Коласу. 3. Распрацоўка метадычных рэкамендацый у дапамогу правядзення мерапрыемстваў, прысвечаных 140-годдзю з дня нараджэння Я.Купалы і Я.Коласа. Другі этап: творча-практычны Тэрмін правядзення: ліпень – лістапад 2022 года Чакаемы вынік: павялічэнне колькасці звяртання да кніг Я.Купалы і Я.Коласа. Трэці этап: фінальны, рэзультатыўная частка Практычным вынікам праекта павінна стаць: 1. Падрыхтоўка матэрыялаў і паведамленняў для інфармацыі ў СМІ аб разгортванні і ходзе праекта. 2. Стварэнне пастаяннай экспазіцыі аб жыцці і творчасці Я.Купалы і Я.Коласа на базе раённай цэнтральнай бібліятэкі. Аўтары праекта: супрацоўнікі аддзела бібліятэчнага маркетынга ДУК “Чашніцкая раённая цэнтралізаваная бібліятэчная сістэма”. Падалец, С., метадыст аддзела бібліятэчнага маркетынга цэнтральнай раённай бібліятэкі | |
Категория: ПРОГРАММЫ И ПРОЕКТЫ БИБЛИОТЕК ЧАШНИКСКОГО РАЙОНА | Добавил: olga (16.01.2022) | |
Просмотров: 83 |