Чашникская РЦБС

Категории

Главная » Статьи » ПРОГРАММЫ И ПРОЕКТЫ » ПРОГРАММЫ И ПРОЕКТЫ БИБЛИОТЕК ЧАШНИКСКОГО РАЙОНА

"БІБЛІЯТЭКА БЕЗ МЕЖАЎ"

"БІБЛІЯТЭКА БЕЗ МЕЖАЎ"
Мэтавая бібліятэчная праграма па арганізацыі бібліятэчнага абслугоўвання чытачоў
пажылога ўзросту, з абмежаванымі магчымасцямі, сацыяльна неабароненай катэгорыі людзей
на 2023 год

АБГРУНТАВАННЕ НЕАБХОДНАСЦІ РЭАЛІЗАЦЫІ МЭТАВАЙ ПРАГРАМЫ:
Асаблівая ўвага ў філіяле “Новалукомльская гарадская бібліятэка” надаецца пажылым людзям, людзям з абмежаванымі магчымасцямі.
Гэтая катэгорыя насельніцтва адчувае вострую неабходнасць у задавальненні сваіх інфармацыйных, культурных і адукацыйных патрэбаў. Найважнейшую ролю ў задавальненні гэтых патрэбаў могуць выконваць бібліятэкі, спрыяючы тым самым паляпшэнню якасці жыцця і павышэнню іх сацыяльнага статусу.
Далучэнне да кнігі ў працы нашай бібліятэкі з’яўляецца абавязковай умовай паўнавартаснай сацыяльнай рэабілітацыі гэтай катэгорыі чытачоў. Таму, дзейнасць бібліятэк у дапамогу пажылым і людзям з абмежаванымі магчымасцямі, заключаецца перш за ўсё ў падборы, рэкамендацыі і дастаўцы кніг, якія карыстаюцца павышаным попытам, пашырэнні іх кругагляду, круга зносін.
Гэтая катэгорыя насельніцтва, для якой у першую чаргу патрэбна не толькі і не столькі інфармацыя, колькі просты чалавечы ўдзел, зносіны. Бо самая вялікая чалавечая драма – абыякавасць, няўменне або нежаданне даць часціцу сваёй душы іншаму.
Сёння стала традыцыяй правядзенне Дня пажылога чалавека, Дня Маці, Дня інвалідаў. Гэта выдатная магчымасць не толькі адпачыць, атрымаць зарад станоўчай энергіі, але і, самае галоўнае, знайсці новых сяброў.
Філіял “Новалукомльская гарадская бібліятэка” ажыццяўляюць сваю дзейнасць ва ўзаемадзеянні з адміністрацыяй горада, гарадскім Саветам ветэранаў, ДУ “Тэрытарыяльны цэнтр сацыяльнага абслугоўвання насельніцтва Чашніцкага раёна” і інш.
Для стварэння спрыяльных умоў карыстання кнігамі, бібліятэкай, атрымання неабходнай інфармацыі дадзенай часткай насельніцтва распрацавана мэтавая праграма “Бібліятэка без межаў”. Таксама наша праграма накіравана на арганізацыю культурнага вольнага часу, на пашырэнне кола зносін, каб даць магчымасць праявіць і рэалізаваць сябе, аб’яднаць блізкіх па духу людзей.

АСНОЎНЫЯ МЭТЫ МЭТАВАЙ ПРАГРАМЫ:

- Павышэнне якасці жыцця сацыяльна-неабароненых слаёў насельніцтва горада Новалукомля на аснове павелічэння эфектыўнасці і даступнасці бібліятэчнага абслугоўвання;

- Уцягванне грамадзян пажылога ўзросту і людзей з абмежаванымі магчымасцямі ў актыўнае грамадскае жыццё,
- Памяншэнне сацыяльнай ізаляцыі;
- Павышэнне ведаў і ўменняў, у тым ліку ўменняў сацыяльнага ўзаемадзеяння, набыцці новых навыкаў, абмену вопытам.
АСНОЎНЫЯ ЗАДАЧЫ МЭТАВАЙ ПРАГРАМЫ:
- Палепшыць якасць арганізацыі культурнага вольнага часу сацыяльна-неабароненых слаёў насельніцтва, уцягнуць іх у сферу творчай і сацыяльнай актыўнасці;
- Забяспечыць даступнасць культурнай дзейнасці і інфармацыйных рэсурсаў для гэтай катэгорыі грамадзян, рэалізаваць іх правы на свабодны доступ да інфармацыі;
- Арганізаваць асветніцкую і дасугавую дзейнасць, накіраваную на паляпшэнне сацыяльна-культурнай сферы ў жыцці дадзенай катэгорыі грамадзян;
- Каардынаваць дзеянні і супрацоўніцтва з дзяржаўнымі і грамадскімі арганізацыямі;
- Стварыць усе ўмовы па прасоўванні кнігі і распаўсюджванню чытання сярод сацыяльна-неабароненых слаёў насельніцтва.
САЎДЗЕЛЬНІКАМІ МЭТАВАЙ ПРАГРАМЫ З’ЯЎЛЯЮЦЦА ЎСЕ САЦЫЯЛЬНЫЯ КАТЭГОРЫІ НАСЕЛЬНІЦТВА:
Члены клубаў і аматарскіх аб'яднанняў;
Пенсіянеры, людзі з абмежаванымі магчымасцямі;
ТЭРМІН РЭАЛІЗАЦЫІ МЭТАВАЙ ПРАГРАМЫ: 2023 год
ЧАКАНЫЯ ВЫНІКІ РЭАЛІЗАЦЫІ МЭТАВАЙ ПРАГРАМЫ:
Рэалізацыя праграмы дазволіць забяспечыць:
      - павелічэнне колькасці актыўных чытачоў;
      - умацаванне сувязяў паміж сацыяльнымі ўстановамі горада і бібліятэкай.
Дадзеная праграма мае сацыяльна-маральнае значэнне. У працэсе рэалізацыі праграмы вырашаецца, перш за ўсё, асноўная задача – прадастаўленне свабоднага доступу да інфармацыі, далучэнне да поўнага сацыяльнага, культурнага і духоўнага жыцця людзей пажылога ўзросту, з абмежаванымі магчымасцямі. Праграма дапаможа аб’яднаць людзей з рознымі фізічнымі магчымасцямі для цікавага і пазнавальнага баўлення вольнага часу.

№ п/п	Змест і арганізацыя работы	Дата	Месца	Адказны
1.	Бібліяграфічны агляд “Святло пад кніжнай вокладкай” (да Сусветнага дня рэлігій)	студзень	бібліятэка	Аўгусціновіч Н.В.
2.	Бібліяфрэш “Кніжныя навінкі”	студзень	бібліятэка	Каласоўская Н.А.
3.	Дасье юбіляра “Вядомы і невядомы: Алесь Шашкоў” (да 100-годдзя з дня нараджэння А.Шашкова, літаратурная гасцёўня “Натхненне”)	студзень	бібліятэка	Маркіна А.М.
4.	Калядная вечарына “Пад чыстым небам Каляд”, клуб духоўнай асветы “Благавест”)	студзень	бібліятэка	Іўко І.М.
5.	Анлайн-сустрэча “Народны дух Ражаства Хрыстовага” (група “Благавест” у дадатак-мэсанджары “Viber”)	студзень	бібліятэка	Іўко І.М.
6.	Бібліяграфічны агляд літаратуры “Рак можна перамагчы” (да Сусветнага дня барацьбы супраць рака)	люты	бібліятэка.	Маслава С.С.
7.	Літаратурны партрэт “Ён думкай і словам служыў Беларусі” (да 130-годдзя з дня нараджэння М.Гарэцкага, літаратурная гасцёўня “Натхненне”)	люты	бібліятэка	Маркіна А.М.
8.	Гадзіна духоўнасці “Нашы крылы – гэта вера, як вялікая падтрымка для душы” (клуб духоўнай асветы “Благавест)	люты	бібліятэка	Іўко І.М.
9.	Анлайн-сустрэча “Умацуйся ў яднанні да чысціні” (група “Благавест” у дадатак-мэсанджары “Viber”)	люты	бібліятэка	Іўко І.М.
10.	Выстава-свята “Свята вясны, прыгажосці і радасці” (да Міжнароднага жаночага дня)	сакавік	бібліятэка	Маслава С.С.
11.	Гадзіна прававой дапамогі “Кансультацыя натарыуса” (да Дня Канстытуцыі Рэспублікі Беларусь, ПЦПІ)	сакавік	бібліятэка	Каласоўская Н.А.
12.	Паэтычная візітка “Паслухаць песню жаўрука” (да 75-годдзя з дня нараджэння Г. Пашкова, літаратурная гасцёўня “Натхненне”)	сакавік	бібліятэка	Маркіна А.М.
13.	Бібліяграфічная інформ-гутарка “Духоўныя кнігі — кнігі аб галоўным” (да Дня праваслаўнай кнігі)	сакавік	бібліятэка	Аўгусціновіч Н.В.
14.	Хвіліна паэтычнага настрою “Паэзіі чароўныя радкі” (да Сусветнага дня паэзіі)	сакавік	бібліятэка	Каласоўская Н.А.
15.	Гадзіна духоўных зносін “Укладзі на Госпада смутак свой” (клуб духоўнай асветы “Благавест”)	сакавік	бібліятэка	Іўко І.М.
16.	Анлайн-сустрэча “Малітва – крыніца суцяшэння і радасці” (група “Благавест” у дадатак-мессенджеры “Viber”)	сакавік	бібліятэка	Іўко І.М.
17.	Выстава-парада “100 саветаў для здароўя” (да Сусветнага дня здароўя)	красавік	бібліятэка	Маслава С.С.
18.	Вусны часопіс “Маё мястэчка – Чашнікі” (да 110-годдзя з дня нараджэння Р.Рэлеса, літаратурная гасцёўня “Натхненне”)	красавік	бібліятэка	Маркіна А.М.
19.	Урок праваслаўя “Ад таемнай вячэры да Уваскрэсення” (клуб духоўнай асветы “Благавест”)	красавік	бібліятэка	Іўко І.М.
20.	Анлайн-сустрэча “Пасланнікі Хрыстовы, як сведкі ўваскрэсення” (група “Благавест” у дадатак-мэсанджары “Viber”)	красавік	бібліятэка	Іўко І.М.
21.	Гадзіна франтавой паэзіі “Паэзія мая, ты – ля акопа” (да Дня Перамогі)	май	бібліятэка	Каласоўская Н.А.
22.	Літаратурна-музычная гасцёўня “Вершы, якія спяваюць” (да 90-годдзя з дня нараджэння А.Вазнясенскага, літаратурная гасцёўня “Натхненне”)	май	бібліятэка	Маркіна А.М.
23.	Вечар духоўных ведаў “Узвысім душу да дабра” (клуб духоўнай асветы “Благавест)	май	бібліятэка	Іўко І.М.
24.	Анлайн-сустрэча “Свет Божы і каханне Хрыста” (група “Благавест” у дадатак-мэсанджары “Viber”)	май	бібліятэка	Іўко І.М.
25.	Духоўныя разважанні “Увесь свет – Божых дарункаў святая чаша” (клуб духоўнай асветы “Благавест”)	чэрвень	бібліятэка	Іўко І.М.
26.	Літаратурны ваяж “Краіна замкаў” (да 70-годдзя з дня нараджэння А.Бутэвіча)	чэрвень	бібліятэка	Маркіна А.М.
27.	Анлайн-сустрэча “Бессмяротнае збожжа вучэння Божага” (группа “Благавест” у дадатак-мэсанджары “Viber”)	чэрвень	бібліятэка	Іўко І.М.
28.	Духоўная гутарка “І сэрца кожнае Хрысту хвалу спявае” (клуб духоўнай асветы “Благавест”)	ліпень	бібліятэка	Іўко І.М.
29.	Літаратурны акорд “Паэт з палымяным сэрцам” (да 130-годдзя з дня нараджэння У. Маякоўскага, літаратурная гасцёўня “Натхненне”)	ліпень	бібліятэка	Маркіна А.М..
30.	Анлайн-сустрэча “Бог дае хлеб жыцця” (група “Благавест” у дадатак-мэсанджары “Viber”)	ліпень	бібліятэка	Іўко І.М.
31.	Літаратурна-музычнае рандэву “Мелодыя душы Ігара Лучанка” (да 85-годдзя з дня нараджэння І.Лучанка, літаратурная гасцёўня “Натхненне”)	жнівень	бібліятэка	Маркіна А.М.
32.	Урок духоўнасці “Не цурайся выпрабаванняў сваей душы і сэрца” (клуб духоўнай асветы “Благавест”)	жнівень	бібліятэка	Іўко І.М.
33.	Анлайн-сустрэча “Спадчына Госпада, дараваная нам” (група “Благавест” у дадатак-мэсанджары “Viber”)	жнівень	бібліятэка	Іўко І.М.
34.	Дзень адчыненых дзвярэй “Бібліятэчная палітра” (да 55-годдзя з дня стварэння Новалукомльскай гарадской бібліятэкі і Дня бібліятэк)	верасень	бібліятэка	Каласоўская Н.А.
35.	Вечар паэтычнага настрою “Чалавек дзіўнага лёсу” (да 100-годдзя з дня нараджэння Э. Асадава, літаратурная гасцёўня “Натхненне”)	верасень	бібліятэка	Маркіна А.М.
36.	Праваслаўная гутарка “Пры святле Крыжа перамагае каханне” (клуб духоўнай асветы “Благавест”)	верасень	бібліятэка	Іўко І.М.
37.	Анлайн-сустрэча “Чысціня малітвы сярод бруду жыцця” (група “Благавест” у дадатак-мэсанджары “Viber”)	верасень	бібліятэка	Іўко І.М.
38.	Бібліяграфічны агляд перыядычных выданняў “Прэса ад стрэсу” (да Міжнароднага дня пажылых людзей)	кастрычнік	бібліятэка	Аўгусціновіч Н.В.
39.	Святочная выстава-афарызм “О женщине, несущей миру свет” (да Дня маці)	кастрычнік	бібліятэка	Маслава С.С.
40.	Вечар успамінаў “Успамінаючы маладыя гады” (да Міжнароднага дня пажылых людзей)	кастрычнік	бібліятэка	Каласоўская Н.А.
41.	Прэзентацыя жыцця і творчасці “Творчасць, параўнальная з Сусветам” (да 90-годдзя з дня нараджэння Н.Шчаснай, літаратурная гасцёўня “Натхненне”)	кастрычнік	бібліятэка	Маркіна А.М.
42.	Літаратурнае караоке “О той, что дарует нам жизнь и тепло” (да Дня маці)	кастрычнік	бібліятэка	Каласоўская Н.А.
43.	Урок праваслаўя “Багародзіцы сэрца чырвонае ззяе” (клуб духоўнай асветы “Благавест”)	кастрычнік	бібліятэка	Іўко І.М.
44.	Анлайн-сустрэча “Сэрца адкрыйце да Бога” (група “Благавест” у дадатак-мэсанджары“Viber”)	кастрычнік	бібліятэка	Іўко І.М.
45.	Літаратурны калейдаскоп “Радкі, што выпраменьвала душа” (да 75-годдзя з дня нараджэння Я.Янішчыц, літаратурная гасцёўня “Натхненне”)	лістапад	бібліятэка	Маркіна А.М.
46.	Вечар духоўнасці “Свет Божы і каханне Хрыста” (клуб духоўнай асветы “Благавест”)	лістапад	бібліятэка	Іўко І.М.
47.	Анлайн-сустрэча “Глядзіце на ўсё вачыма веры” (група “Благавест” у дадатак-мэсанджары “Viber”)	лістапад	бібліятэка	Іўко І.М,
48.	Прававая выстава-навігатар “Правы павінны ведаць усе” (да Дня правоў чалавека, ПЦПІ)	снежань	бібліятэка	Маслава С.С.
49.	Урок дабрыні “Узвысім душу да дабра” (да Міжнароднага дня інвалідаў)	снежань	бібліятэка	Каласоўская Н.А.
50.	Паэтычная старонка “Паэт гармоніі і прыгажосці” (да 220-годдзя з дня нараджэння Ф. Цютчава, літаратурная гасцёўня “Натхненне”)	снежань	бібліятэка	Маркіна А.М.
51.	Духоўныя чытанні “Залатыя старонкі храма – кнігі” (клуб духоўнай асветы “Благавест”)	снежань	бібліятэка	Іўко І.М.
52.	Анлайн-сустрэча “Аб чым спявае звон?” (група “Благавест” у дадатак-мэсанджары “Viber”)	снежань	бібліятэка	Іўко І.М.

Категория: ПРОГРАММЫ И ПРОЕКТЫ БИБЛИОТЕК ЧАШНИКСКОГО РАЙОНА | Добавил: olga (08.05.2022)

ГОСУДАРСТВЕННОЕ УЧРЕЖДЕНИЕ КУЛЬТУРЫ

Категории

Добро пожаловать!

Поиск

Категории

Актуально

Календарь

Ваше мнение

Одноклассники

Статистика