Категории
“ПАРАСОН-ШОУ”
ПАЛАЖЭННЕ 1.1.Дадзенае Палажэнне вызначае парадак арганізацыі і правядзення раённага конкурсу парасонаў “Парасон-шоу” (далей – Конкурс). 1.2.Конкурс праводзіцца ў рамках правядзення святочных мерапрыемстваў да Дня горада Чашнікі. 1.3.Арганізатарамі Конкурсу з’яўляецца аддзел ідэалагічнай работы, культуры і па справах моладзі Чашніцкага райвыканкама і дзяржаўная ўстанова культуры “Чашніцкая раённая цэнтралізаваная бібліятэчная сістэма”. 2. АСНОЎНЫЯ МЭТЫ І ЗАДАЧЫ 2.1.Стварэнне святочнай атмасферы падчас правядзення Дня горада Чашнікі. 2.2.Рэалізацыя творчага патэнцыяла прадпрыемстваў, арганізацый і ўстаноў г.Чашнікі і Чашнікскага раёна ў сферы святочнай дзейнасці. 2.3.Аб’яднанне шырокага кола людзей на аснове іх уласнай творчасці. 2.4.Развіццё эстэтычнага густу жыхароў Чашніцкага раёна шляхам уцягнення ў дызайнерскую дзейнасць і ўдзел у святочных мерапрыемствах. 2.5. Фарміраванне каштоўнасцей сямейнага жыцця. 3. УДЗЕЛЬНІКІ КОНКУРСУ 3.1.У конкурсе прымаюць удзел творчыя калектывы і аматарскія аб’яднанні, работнікі ўстаноў культуры, адукацыі і прадпрыемстваў г.Чашнікі і Чашніцкага раёна. 3.2.У Конкурсе могуць прымаць удзел усе жадаючыя ва ўзросце ад 14 гадоў на момант падачы заяўкі (далей – удзельнікі Конкурсу). 4. УМОВЫ ПРАВЯДЗЕННЯ КОНКУРСУ 4.1. Конкурс праводзіцца па наступных намінацыях: “Мама + тата + я = сям’я” (у намінацыі ўдзел прымаюць сямейныя парасоны, работу над якімі ажыццяўлялася бацькамі разам з дзецьмі. Пажадана, каб у работах знайшлося адлюстраванне сямейных каштоўнасцей – сумесныя захапленні, традыцыі); “Нацыянальны каларыт” (у намінацыі ўдзельнічаюць парасоны з выкарыстаннем беларускіх сімвалаў, элементаў фальклору, беларускага арнаменту); “Рамантычная пара” (у намінацыі прымаюць удзел парныя парасоны, аб’яднаныя адной тэматыкай). 4.2. Заяўка на ўдзел у конкурсе падаецца па форме згодна з Дадаткам да дадзенага Палажэння да 5 верасня 2022 года. 4.3. Конкурсныя работы накіроўваюцца ў адзел маркетынга і сацыякультурнай дзейнасці цэнтральнай раённай бібліятэкі па адрасу: г.Чашнікі, вул.Міра, 26 да 9 верасня 2022 года (даведкі па тэлефоне: 8 (02133) 4 21 74). 4.4. Прадстаўляючы парасон на Конкурс, удзельнік Конкурсу дае згоду на бязвыплатнае яго выкарыстанне ў інтэрнэт рэсурсах і сацыяльных сетках. 4.5. Выдаткі, звязаныя з стварэннем і прадстаўленнем парасона/групы парасонаў на конкурс, аплачваюцца яго ўдзельнікамі самастойна. 4.6. Усе работы, накіраваныя на Конкурс, будуць прадстаўлены на выставе “Парасон-шоу”, якая адбудзецца падчас правядзення святочных мерапрыемстваў у межах Дня горада Чашнікі. 4.7. Вынікі конкурсу будуць размешчаны ў стужцы навін сайта http://chashnikicbs.by. 5. АСНОЎНЫЯ ПАТРАБАВАННІ ДА РАБОТ 5.1.Удзельнікі Конкурсу прадстаўляюць незвычайна аформленыя парасоны, выкананыя сваімі рукамі з выкарыстаннем любых матэрыялаў (тканіна, папера, штучныя або жывыя кветкі, салома, пер’е, стужкі і г.д.). 5.2.У Конкурсе не могуць прымаць удзел работы, якія парушаюць патрабаванні маралі, або ўтрымліваюць агрэсіўныя элементы. 5.3.Конкурсныя работы павінны адпавядаць абранай намінацыі. 5.4.На конкурснай рабоце неабходна ўказаць (камп’ютарны набор): прозвішча, уласнае імя, імя па бацьку ўдзельніка конкурсу, намінацыю, назву твора і ўстанову, якая накіроўвае парасон/групу парасонаў (інфармацыя павінна адпавядаць заяўленым крытэрыям). 6. КРЫТЭРЫЯМІ АЦЭНКІ З’ЯЎЛЯЮЦЦА 6.1.Арыгінальнасць ідэі афармлення і фантазія; 6.2.Майстэрства выканання; 6.3.Неардынарнасць выкарыстання звычайных матэрыялаў; 6.4.Адпаведнасць намінацыі; 6.5.Суцэльнасць кампазіцыі, гармонія (антураж). 7. ПАДВЯДЗЕННЕ ВЫНІКАЎ КОНКУРСУ 7.1.Арганізацыю і правядзенне Конкурсу здзяйсняе арганізацыйны камітэт у наступным складзе: Баранава А.І. – начальнік аддзела ідэалагічнай работы, культуры і па справах моладзі Чашніцкага раённага выканаўчага камітэта; Латыголец С.А. – намеснік аддзела ідэалагічнай работы, культуры і па справах моладзі Чашніцкага раённага выканаўчага камітэта; Мядзюк А.Л. – дырэктар дзяржаўнай установы культуры “Чашніцкая раённая цэнтралізаваная бібліятэчная сістэма”. 7.2.Конкурсам прадугледжана далучэнне да ліку яго арганізатараў спонсараў, іншых зацікаўленых устаноў. 7.3.Арганізацыйным камітэтам прадугледжана права прызначэння дадатковай намінацыі і спецыяльных прызоў. 7.4.Для ацэнкі работ удзельнікаў конкурсу ствараецца экспертны савет, у які ўваходзяць пяць чалавек. Экспертны савет узначальвае старшыня. Склад экспертнага савета зацвярджаецца арганізатарамі. 7.5.Экспертны савет разглядае і выяўляе лепшыя працы ў кожнай намінацыі, у адпаведнасці з крытэрыямі ацэнкі, пазначанымі ў дадзеным Палажэнні. Вызначае пераможцаў. У спрэчных выпадках рашаючым з’яўляецца голас старшыні экспертнага савета. 7.6. У склад экспертнага савета не могуць уваходзіць аўтары работ, якія ўдзельнічаюць у конкурсе. | |
| Категория: КОНКУРСЫ | Добавил: olga (05.09.2022) | |
| Просмотров: 261 |
