ЧАШНИКСКАЯ РЦБС

11 жніўня для дзяцей, якія наведваюць аздараўленчы лагер “Вясёлка”, у Кашчынскай сельскай бібліятэцы прайшла інтэлектуальна-пазнавальная гульня “Вандроўка па роднай Беларусі”. Разам з бібліятэкарам дзеці адправіліся ў падарожжа па роднай краіне. Для гэтага неабходна было пераадолець 10 станцый: “Гарады Беларусі”, “Экалагічная”, “Гістарычная”,”Флора і фауна Беларусі”, “Беларусь гераічная”, “Літаратурная”, “Чым і кім славіцца мой край”, “Казачная”, “Мова маёй бабулі”, “З крыніц прадвечных”. Удзельнікі мерапрыемства праверылі свае веды, а таксама пазналі шмат новага і цікавага пра сваю краіну. І няважна, дзе жывем мы сёння, у горадзе, альбо ў вёсцы, кожны з нас павінен ведаць гісторыю сваёй  краіны – Рэспублікі Беларусь. Павінны помніць мінулае, ведаць сёняшняе, верыць у будучае.