ЧАШНИКСКАЯ РЦБС

5 лістапада для ўдзельнікаў акцыі ”Дай лесу новае жыццё“ бібліятэкар Кашчынскай сельскай бібліятэкі разам з супрацоўнікамі Кашчынскага культурна-спартыўнага цэнтра правялі экскурс ”Таямніцы Змеевага камня“, каля в.Гогалеўка.
Для ўсіх прысутных бібліятэкар расказала гісторыю стварэння гэтага геалагічнага помніка, асабліва выдзеліла памеры валуна: даўжыня якога складае 10м 70см, шырыня – 3м 40см, а вышыня – амаль 4 метры. Цікава, што, апроч імху і іншай дробнай расліннасці, на валуне нядрэнна сябе адчувае сасна, вышыня якой складае каля 25 метраў, а узрост яе – больш за 60 гадоў. Увазе ўдзельнікаў была прадстаўлена легенда пра Змееў камень з элементамі театралізацыі, дзе галоўнымі героямі была прыгажуня-дзяўчына і лятучы Змей, які ператвараўся ў прыгожага хлопца.
Канцавой кропкай мерапрыемства стала частаванне гарбатай з лугавых траў.