ЧАШНИКСКАЯ РЦБС

У пункце выдачы літаратуры мікрараёна “Папяровая фабрыка” прайшла гульня-падарожжа “Мова родная, сябруй са мной”, прысвечаная Міжнароднаму дню роднай мовы. Прысутныя з вялікай увагай праслухалі цікавы аповяд пра свята, даведаліся, чаму яно лічыцца незвычайным і вельмі важным, як узнікла ідэя стварэння свята. Удзельнікі мерапрыемства праявілі творчыя здольнасці, паказалі эрудыцыю, граматнасць, акуратнасць, кемлівасць, уменне разважаць і афармляць пісьмова свае думкі не толькі з дапамогай слоў, але і мастацкімі сродкамі. Дзеці з цікавасцю ўдзельнічалі ў конкурсах: “Успомніць прыказкі і прымаўкі па пачатку фразы”, “Словы-невідзімкі”, “Устаўце слова замест кропак”, “Пішыце правільна словы”. Лепшыя былі ўзнагароджаны салодкімі прызамі.