ЧАШНИКСКАЯ РЦБС

19 жніўня ў Кашчынскай сельскай бібліятэцы прайшла гульнёвая праграма “Яблычны фрэш”. На мерапрыемстве прысутнічалі дзеці, якія наведваюць летні аздараўленчы лагер “Вясёлка”. Напачатку праграмы бібліятэкар у вобразе садоўніцы Марфушы расказала гісторыю мядовага, яблычнага, арэхавага (хлебнага) Спасаў, затым прысутныя прынялі ўдзел у інтэлектуальных гульнях  “Яблыневы сад”, “Яблычны вобраз” “Яблыкі бываюць розныя”, ну а потым, самыя актыўныя былі падзелены на дзве каманды - “Ранэткі” і “Антонаўкі”. Дзеці з задавальненнем удзельнічалі ў конкурсах і гульнях “Яблычная эстафета”, ”Цапля”, “Хвалёнае яблычка”, ”Пападзі ў яблык”, ”Матальшчыкі” і іншыя. У канцы праграмы ўсе ўдзельнікі атрымалі салодкія прызы, а таксама пачаставаліся яблыкамі з Марфушынага кошыка. З добрым настроем, вясёлыя і задаволеныя вярталіся дзеці і іх настаўнікі ў лагер.