ЧАШНИКСКАЯ РЦБС

Да 75-годдзя беларускага пісьменніка-земляка Генадзя Пашкова ў Альшанскай сельскай бібліятэцы прайшоў Дзень пісьменніка. Бібліятэкар аформіла кніжную выставу “Тваім святлом благаславёны”, падрыхтавала юбілейную кніжную закладку “Генадзь Пашкоў”. Усе наведвальнікі бібліятэкі ў гэты дзень атрымалі юбілейную кніжную закладку і, па жаданню, мелі магчымасць прачытаць услых вершы паэта. Напрыканцы дня ў памяшканні філіяла “Альшанскі сельскі Дом культуры”, разам з супрацоўнікамі СДК, прайшла гадзіна паэзіі “Поле любові” з паказам прэзентацыі “Тваім святлом благаславёны”. Гадзіна пазнаёміла з жыццём і творчасцю беларускага паэта, публіцыста Генадзя Пашкова, раскрыла адметнасць яго таленту, прыцягнула ўвагу і цікавасць да яго вершаў. У падрыхтоўцы мерапрыемства прыняла ўдзел моладзь. Хлопцы і дзяўчаты з асаблівым натхненнем чыталі вершы паэта, якія вучаць паваге і любові да роднага краю, дабрыні, чуласці, шчыраму каханню.