ЧАШНИКСКАЯ РЦБС

21 лютага ва ўсім свеце адзначаецца Міжнародны дзень роднай мовы. Сёння ў свеце шмат цудоўных моў. Адны з іх вабяць сваёй прыгажосцю і непаўторнасцю, другія – мілагучнасцю. Але ў кожнага чалавека ёсць толькі адна родная мова. Дзень роднай мовы асаблівы для кожнай нацыі, кожнага народа, бо няма народа без мовы, няма мовы без яго носьбіта. І мы, беларусы, не выключэнне. Нам у спадчыну засталася ўнікальная мова – жывая і мілагучная, песенная і паэтычная, старажытная і сучасная.  Цэнтральная раённая бібліятэка прапануе прыняць удзел у анлайн-гульне «Што ты ведаеш пра мову?» і шмат іншых цікавых тэматычных заданняў, з дапамогай якой вы зможаце праверыць свае веды па самабытнай роднай мове.