У рамках сацыяльнага праекта па прафілактыцы асацыяльных з’яў і фарміраванню здаровага ладу жыцця “Выбар ёсць заўжды” ў Альшанскай бібліятэцы прайшоў тыдзень па прапагандзе здаровага ладу жыцця “Здароўе – тваё галоўнае багацце”.
Мерапрыемствы тыдня: выстава-прызыў “Скажи жизни - Да!, вітрына здаровых рэцэптаў “Здравушка”, гульнёва-пазнавальная праграма “Падарожжа на цягніку “Здароўе”, экспрэс-віктарына “Здаровыя пытанні”, хвіліны сумеснага чытання “К. Чукоўскі “Мойдадыр”, конкурс выканання вершаў па здароваму ладу жыцця “Жыццё для таго, каб жыць!”.
Вялікую зацікаўленасць для дзяцей і дарослых выклікала гульнёва-пазнавальная праграма “ Падарожжа на цягніку “Здароўе”, якая адбылася на стадыёне. Права атрымаць білет на цягнік мелі тыя, хто правільна адказваў на загадкі і пытанні. Пасажыраў цягніка “Здароўе” чакала цікавае падарожжа з прыпынкамі на станцыях “Здароўе чалавека”, “Гігіена”, “Правільнае харчаванне”, “Дрэнныя звычкі”, “Адпачні”. На кожным прыпынку ўдзельнікаў чакалі цікавыя гульні пазнавальнага і забаўляльнага характару. Праграма садзейнічала замацаванню фарміравання навукаў вядзення здаровага ладу жыцця, вызначыла свядомасць у захаванні свайго здароўя і меры па яго зберажэнню, прыцягнула ўвагу да такіх аздараўляльных форм, як спартыўныя эстафеты.
|
