ЧАШНИКСКАЯ РЦБС

У бібліятэках ДУК “Чашніцкая раённая цэнтралізаваная бібліятэчная сістэма” штогод праводзяцца мерапрыемствы ў форме гадзін разважанняў, гутарак і г.д., накіраваныя на павышэнне дасведчанасці падрастаючага пакалення аб эпідэміі СНІДу, асвету моладзі па пытаннях прафілактыкі ВІЧ-інфекцыі, захаванне і ўмацаванне здароўя.
Штогод 1 снежня адзначаецца Сусветны дзень барацьбы са СНІДам, які служыць напамінам пра неабходнасць спыніць глабальнае распаўсюджванне эпідэміі ВІЧ-інфекцыі.
У гэты  дзень у Лукомльскай бібліятэцы-філіяле №16 з падлеткамі праведзены вусны часопіс “СНІД: міф або рэчаіснасць?”, дзе вялася размова пра тое, што  СНІД – праблема міжнароднага маштабу, як шукаюць вакцыну ад гэтай хваробы і ці надзейна застрахаваны кожны з нас? Адказаў было шмат, а самы галоўны адказ адзін: "Твая будучыня - у тваіх руках!"
Да мерапрыемства была зроблена выстава-перасцярога “Ціхі вір чакае новых ахвяр”, прысутныя пацікавіліся літаратурай.