ЧАШНИКСКАЯ РЦБС

Шэраг мерапрыестваў прапанавалі сваім чытачам супрацоўнікі Чырвонараніцкай сельскай бібліятэкі ў час правядзення Тыдня эстэтычнага выхавання “Соприкасаясь с миром прекрасного”. Тут арганізавана арт–галерэя “Мастацтва ў нашым жыцці”, дзе прадстаўлены кнігі аб  знакамітых  мастаках,  выданні  з шэдэўрамі беларускага і сусветнага жывапісу. Выстава “У саюзе гукаў, пачуццяў, і дум” прапанавала наведвальнікам бібліятэкі літаратуру, прысвечаную гісторыі музыкі, айчынным і замежным кампазітарам. З удзелам навучэнцаў ДУА “Пачаевіцкая дзіцячы сад-пачатковая школа” прайшоў вечар-элегія “Кампазітары-песеннікі дзецям” і быў прысвечаны  творчасці кампазітараў, якія пісалі музыку для дзяцей: У.Шаінскі, Я.Крылатаў і іншых. Віктарына “Сем Цудаў Свету” распавядала аб шэдэўрах міравой архітэктуры. 
Пад знакам мерапрыемстваў прысвечаных Году малой радзімы прайшла гадзіна  мастака “Родны край - душэўны мой прытулак”.  Мерапрыемства  пачалося з знаёмства з жыццёвым і творчым шляхам земляка Даніленка Пятра Фёдаравіча, які жыў у вёсцы Дуброва. Пётр Фёдаравіч Даніленка быў мастаком  своеасаблівым, бо  ў асноўным ён перамалёўваў вядомыя карціны і ілюстрацыі, працаваў і ў жанры партрэта, пейзажа. У кожную з прац вядомых майстроў жывапісу мастак дадаваў часцінку нечага свайго, асабістага: “Запарожскія казакі пішуць ліст турэцкаму султану”, “Тры волата”, “Сасновы бор”, “Зарослая сажалка” і інш. Пэндзалю  Пятра Фёдаравіча належаць каля 50 работ. Увазе прысутных была прадстаўлена выстава “Палітра жыцця”, дзе былі прадстаўлены работы  Пятра Фёдаравіча.