ЧАШНИКСКАЯ РЦБС

Да святкавання Міжнароднага дня роднай мовы Альшанская сельская бібліятэка запрасіла дзяцей і падлеткаў на вечар паэтычнага настрою “Слаўлю цябе, мая родная мова!” Хлопцы і дзяўчаты пад музычнае суправаджэнне выразна чыталі выбраныя загадзя вершы пра родную беларускую мову. Гэта творы Я. Купалы, Я.Коласа, П.Панчанкі, Н.Гілевіча, У.Дубоўкі, М.Пазнякова, В.Шведа. Змест вершаў кранаў цеплынёй і павагай да роднага слова і даваў яскравае паразуменне: мова – душа народа, плён працы многіх пакаленняў, люстэрка духоўнага жыцця народа, наш галоўны нацыянальны скарб.