ЧАШНИКСКАЯ РЦБС

13 студзеня супрацоўнікі Альшанскай сельскай бібліятэкі і сельскага Дома культуры правялі для жыхароў аграгарадка Альшанка калядны валачобны абрад “Добры вечар, шчодры вечар!”. Зберагаючы народныя традыцыі калядоўшчыкі весела, з песнямі і танцамі, жадалі моцнага здароўя і дабрабыту. Абсыпаючы зернем зычылі добры багаты год. Не мінулі яны і дом інваліда 1 группы, Падрэз Галіны Васільеўны. Жанчына была вельмі ўражаная, шчыра дзякавала. Усе гаспадары сустракалі калядуючых ветліва і гасцінна, з упэўненасцю, што ўсе пачутыя святочныя пажаданні абавязкова спраўдзяцца!