ЧАШНИКСКАЯ РЦБС

З 17 па 23 лютага да Міжнароднага дня роднай мовы ў Чашніцкай раённай дзіцячай бібліятэцы імя Янкі Журбы для наведвальнікаў абанемента арганізавана акцыя “Пяшчотныя словы роднай мовы”. Усім жадаючым, якія ў гэтыя дні завіталі ў бібліятэку, было прапанавана разам стварыць каляровы калаж з беларускім каларытам – напісаць на каляровым аркушы беларускае любімае слова і прамацаваць на стэнд. Такім чынам калаж расквецілі пяшчотныя словы беларускай мовы – матуля, любоў, васілёк, дабрыня, ласка, утульнасць. Самымі папулярнымі сярод слоў вылучыліся словы “цукерка” і “бульба”. Вялікая колькасць разнастайных слоў ўпрыгожыла ў канцы тыдня стэнд, на які прыклейваліся стыкеры.