ЧАШНИКСКАЯ РЦБС

У рамках акцыі “16 актыўных дзён супраць гвалту” 26 лістапада ў Кашчынскай сельскай бібліятэцы прайшла гутарка–рэкамендацыя “Падзяліся сваёй праблемай”, у якой прынялі ўдзел дзеці сярэдняга ўзросту. Мерапрыемства праведзена з мэтай папярэджання злачынстваў супраць непаўналетніх, садзейнічання фарміраванню ў дзяцей і падлеткаў актыўнай жыццёвай пазіцыі, заснаванай на веданні сваіх правоў і павазе сябе як асобы. Бібліятэкар пазнаёміла дзяцей з формамі і відамі гвалту, прычынамі ўзнікнення гвалту, распавяла аб правах дзяцей на абарону сваёй асобы ад любых відаў гвалту, пра тое, куды можна і трэба звяртацца за абаронай сваіх правоў. Дзецям былі прапанаваны сітуацыі, якія бываюць у жыцці. Удзельнікі павінны былі сфармуляваць сваё ўменне адрозніваць віды гвалту, агрэсара (гвалтаўніка) і ахвяру сітуацыі. Затым бібліятэкар зачытала прысутным  прытчу “Усё пакідае свой след”, дзе гаворыцца аб запальчывым, нястрыманым, маладым чалавеку, які сваімі дзеяннямі прыносіў шкоду і крыўду навакольным, але дзякуючы свайму бацьку ён навучыўся стрымліваць і кантраляваць свой гнеў у адносінах да іншых людзей. У завяршэнні гутаркі вядучая заклікала ніколі не ўтойваць у сабе праблемы, якія хвалююць.