ЧАШНИКСКАЯ РЦБС

25 жніўня бібліятэкары Новалукомльскай гарадской бібліятэкі-філіяла №3 наладзілі літаратурна-кніжную акцыю “Летняя чытальная зала пад адкрытым небам” пад назвай “Чытанне пад настрой”. Гэта акцыя была накіравана на прыцягненне новых чытачоў у бібліятэку. Супрацоўнікі бібліятэкі імкнуліся стварыць аптымальныя ўмовы для прагляду перыядычных выданняў, напоўнілі вольны час наведвальнікаў чытальні цікавым і карысным зместам. На гарадской плошчы з’явіўся сваеасаблівы  невялікі бібліяастравок. У камфортнай абстаноўцы наведвальнікі з задавальненнем гарталі часопісы, выбіралі для хатняга чытання выданні “Буккросінг”, удзельнічалі ў экспрэс-віктарыне “Па старонках любімых кніг”.