ЧАШНИКСКАЯ РЦБС

Да Дня яднання народаў Беларусі і Расіі ў Кашчынскай сельскай бібліятэцы прайшоў дыялог-роздум  ”Калі мы адзіныя…“.
2 красавіка – дата, якая стала сімвалам сапраўднага братэрства народаў Беларусі і Расіі, змацаванага сумесным гістарычным мінулым. Нас звязваюць шматгадовыя традыцыі дружбы і ўзаемавыручкі, якія ўвабралі ў сябе веліч агульных перамог, цяжар складаных выпрабаванняў.
Бібліятэкар нагадала прысутным пра гісторыю станаўлення гэтага свята.Звярнула ўвагу на тое, што  паміж нашымі краінамі адсутнічае мытны і пагранічны кантроль, створана адзіная адукацыйная прастора, грамадзяне дзвюх краін абсалютна роўныя ў пенсійных правах, а ў лістападзе 2021 года прэзідэнты дзвюх краін зацвердзілі 28 саюзных праграм. Потым удельнікі параўналі элементы культуры, моўныя асаблівасці, звычаі, святы, нацыянальныя касцюмы і кулінарныя традыцыі дзвюх суседніх краін.
У канцы сустрэчы прагледзелі відэафільм ”У адзінстве наша сіла“.