ЧАШНИКСКАЯ РЦБС

2 лістапада супрацоўнікі цэнтральнай раённая бібліятэкі наведалі і правялі з навучэнцамі старэйшых класаў ДУА “Сярэдняя школа №4 г.Чашнікі” літаратурную медыя-гасцеўню “Дум уладар – мудры, зямны, незабыўны” да 140-годдзя з дня нараджэння Я.Коласа, у рамках літаратурна-асветніцкага праекта “У думках, у сэрцы, у песнях” да 140-годдзя з дня нараджэння Я.Купалы і Я.Коласа. На мерапрыемстве бібліятэкар паведаміла пра жыццёвы і творчы шлях Я.Коласа, прысутным прапанавалася паглядзець дакументальны фільм пад назвай “Купала і Колас. Два яблыка на адной галінцы”. Таксама дэманстраваліся кароткія відэасюжэты на вершы Я.Коласа “Родныя вобразы”, “Адлет жураўлёў”. На прыканцы мерапрыемства адказалі на пытанні віктарыны “Я Коласа пачуў” па жыцці і творчасці беларускага песняра.