ЧАШНИКСКАЯ РЦБС

27 ліпеня ў Замацкай  бібліятэцы-клубе для дзяцей прайшла віктарына “У таго цалее ногі, хто ведае знакі на дарозе”. Казачніца пазнаёміла ўдзельнікаў з сучасным Іванам-царэвічам і Чырвонай дзявіцай Святланай, якія сабраліся ў трыдзесятае царства, але не ведаючы правіл дарожнага руху, трапілі ў ДТЗ. І вось тады ўдзельнікі запрасілі герояў на незвычайны ўрок у школу ПДР, каб дапамагчы героям запомніць дарожныя знакі і пазнаёміць з правіламі дарожнага руху не проста так, а з дапамогай дыдактычных гульняў і конкурсаў:  “Скрыжаванне загадак”, “Зялёны агеньчык”, “Размаўляючыя знакі”, “Аўтамульці”, “Дазволена-забаронена”, “Аўтамабіль будучага”; эстафет: “Вясёлы аўтобус”, “Зебра”, “Уважлівы пешаход”; гульні “Да ці не”. Цікава і з карысцю прайшоў урок, удзельнікі адказвалі на пытанні не толькі па правілам дарожнага руху, але і па зместу мастацкіх твораў. Галоўнае, што дзеці зразумелі,  яны самі адказваюць за сваю бяспеку і жыццё.