ЧАШНИКСКАЯ РЦБС

25 лютага ў цэнтральную раённую бібліятэку завіталі аматары паэзіі на паэтычную старонку творчасці Рыгора Барадуліна “Да людзей з любоўю ідучы…”, прысвечаную знакамітаму беларускаму паэту, эстэту і перакладчыку Рыгору Іванавічу Барадуліну, з дня нараджэння якога споўнілася 90 год. Прысутныя пазнаёміліся з біяграфіяй і літаратурнай спадчынай народнага паэта Беларусі, праслухалі песню на верш Рыгора Барадуліна “Трэба дома бываць часцей”. Асобая ўвага была звернута на такія вершы, як “Не ведаючы тэорыі вольных вершаў”, “Бацьку”, “Уцякала зіма ад вясны”, “Прашэнне”. На прыканцы мерапрыемства ўдзельнікам быў прапанаваны для прагляду відэафільм “Рыгор Барадулін”, прысвечаны жыццю і творчасці паэта.