ЧАШНИКСКАЯ РЦБС

У студзені адзначаецца 100-гадовы юбілей з дня нараджэння беларускага пісьменніка-земляка Алеся Шашкова. Гэтай даце быў прымеркаваны вечар-партрэт “З родным словам, ды з беларускай душою”, які правялі супрацоўнікі цэнтральнай раённай бібліятэкі для вучняў 9 “А” класа ДУА “Сярэдняя школа №4”. На мерапрыемстве вучні даведаліся пра жыццёвы і творчы шлях пісьменніка, пра разнастайную тэматыку твораў празаіка, у якіх адлюстравана перажытае і ўбачанае на вайне, пасляваеннае жыццё вёскі, а таксама пра творы, адрасаваныя юнаму чытачу, якія вызначаюцца вострасюжэтнасцю і дзе аўтар імкнецца перадаць складанасць і непаўторнасць чалавечых характараў. Прааналізаваўшы творчасць  пісьменніка ўдзельнікі мерапрыемства прыйшлі да высновы, што Алесь Шашкоў добры знаўца дзіцячай і дарослай псіхалогіі, умелы субяседнік, просты і шчыры, а кнігі аўтара выхоўваюць любоў да роднага краю, да актыўнай працы на карысць нашай Радзімы.