ЧАШНИКСКАЯ РЦБС

1 студзеня 2019 года споўнілася 100 гадоў з дня абвяшчэння Беларускай Савецкай Сацыялістычнай Рэспублікі. Да знамянальнай даты ў Чырвонараніцкай сельскай  бібліятэцы праведзена гадзіна гісторыі “БССР – вехі гісторыі”. Для многіх пакаленняў нашых суайчыннікаў БССР - гэта ўспамін пра дзяцінства, юнацтва, гэта мары аб светлай і выдатнай будучыні, у якім усе стануць шчаслівымі. Прысутныя даведаліся шмат карыснай інфармацыі аб гістарычным мінулым і сучаснасці Рэспублікі Беларусь, аб выдатных палітычных лідэрах Беларусі, пазнаёміліся з літаратурай, прадстаўленай на выставе “Старонкі гісторыі БССР”. На выставе прадстаўлены публікацыі, гісторыка-дакументальная літаратура, мастацкія творы па гісторыі стварэння і паэтапнага развіцця Беларускай ССР. Выстава адрасавана ўсім, хто цікавіцца гісторыяй роднай краіны, незалежна ад узросту, сацыяльнага статусу і палітычных перакананняў.