ЧАШНИКСКАЯ РЦБС

З мэтай папулярызацыі беларускай кнігі і прыцягнення новых чытачоў, у Чырвонараніцкай бібліятэцы была арганізавана акцыя добрага настрою “Цукеркі з кніжнай талеркі”. Хлопчыкам і дзяўчынкам прапанавалася пачаставацца цукеркай-прапановай, да абгорткі якой прыладжана запрашэнне завітаць у бібліятэку з пажаданнем добрага настрою і з анатацыяй на кнігу, якую трэба было знайсці на кніжнай выставе “Чытаем беларускую кнігу”. Цукеркі знаходзіліся на прыгожай талерцы і таксама прапанаваліся ўсім жадаючым.
Падчас акцыі ўсе адчулі салодкі смак чытання і былі ў добрым настроі. Гаворка аб незвычайных падзеях у бібліятэцы разышлася паміж вяскоўцамі, асабліва маленькімі, якія прыйшлі пацікавіцца і набыць цікавую кніжку і незвычайную цукерку.

Усе удзельнікі акцыі таксама маглі знайсці адрыўныя аб'явы – пажаданні. З дапамогай добрых пажаданняў наведвальнікі бібліятэкі маглі зарадзіцца добрым настроем на ўвесь дзень.